Saint

De Wikipedia
Ch't' articl'ye fut c'menchie en Jèrriais


Des saints Russes

Un saint est un Chrêtchien r'connu, sait officiellement par l'églyise sait dans l'vaîthinné, pouor sa bouonne vie, ses mithacl'yes, san martythe ou ses beinfaits.

Les Catholiques ont un système dé cannonîsâtion pouor èrconnaître publyiquement la saint'té d'eune pèrsonne.

L's Anglyicans r'connaîssent les vièrs saints mais ieux i' n'ont pon d'mouoyen officiel dé nommer des nouvieaux saints.

Les Méthodistes en génétha n'sont pon pouor la nomm'thie d'saints - par exempl'ye, lus chapelles né portent pon les noms des saints.

L's Orthodoxes èrconnaîssent les saints et font sèrvi l's icônes des saints. I' glorifient des nouvieaux saints, mais i' n'sont pon strictes dé même coumme les Catholiques pouor la nomm'thie d'saints et ieux il' ont hardi d'saints locaux.

Les Saints patrons[amendaer | modifier le wikicode]

S'lon la crianche, un saint peut vîlyi sus eune pèrsonne, un mêtchi, eune ville, un pays et d'même et d'même. Par exempl'ye, Patrice est l'patron d'Irlande.

Tchiques saints :[amendaer | modifier le wikicode]