Sainte Marie

Ch't' articl'ye est liée doubl'ye : vaie Sainte Mathie (frouque). 

Ch't article feut coumenchi en cotentinais

[[

Vitrail de l'Immaculée Conception en l'église Sainte-Foy de Conches-en-Ouches (détail).

L'Annonciâtion - la Chapelle ès Pêtcheurs, Jèrri

Séloun les chrétiens Marie (Jèrriais : Mathie) est eune sainte et ol est la mère à Jésus-Chrît.

Lé conte Biblyique

Chutte section fut c'menchie en Jèrriais

S'lon chein tch'est raconté dans l'Nouvieau Testament, Mathie 'tait fianchie auve Joseph dé Nazareth d'la fanmil'ye du Rouai Dâvi. L'ange Gabrié lyi vînt annonchi qu'oulle avait 'té chouaîsie pouor donner naîssance au Messie par lé Saint Esprit, ouaithe qu'ou fûsse vièrge.

Dans un rêve, san bouonhoumme Joseph fut dgèrni qu'sa femme s'n allait donner naîssance à un êfant et qu'i' lî fallait l'atchilyi coumme sa bouonnefemme.

Mathie s'en fut vîsiter sa couôsinne Lîzabé, la méthe à Jean Bâptiste. Lîzabé lyi fit la beinv'nue coumme la méthe du Seigneu et la rêponse à Mathie a 'té rapportée dans la Bouonne Nouvelle coumme chein tch'est app'lé Magnificat dans la Litourgie.

L'Empéreu Romain c'mandit un r'censement et Joseph et sa fanmil'ye eûtent à r'aller à la ville dé ses anchêtres tchi 'tait Bethléhem. Là, Mathie donnit naîssance à un fis, Jésû, dans eune êtabl'ye car i' n'y'avait pon d'run dans l'aubèrge.

À seule fîn d's'êcapper d'la machacréthie du Rouai Hérode, la fanmil'ye s'en fûtent en Êgypte, mais rentrîtent à Nazareth pus tard.

Mathie 'tait là quand Jésû fit san preunmié mithacl'ye quand i' touônnit dé l'ieau en du vîn. À la crucifixion d'Jésû, ou 'tait au pid d'la crouaix. Oulle est mentionnée acouo eune fais quand l'Saint Esprit d'vale sus l's Apôtres à la Pentecôte.

Hors la Bibl'ye, y'a acouo des traditions entouor la Sainte Mathie.