Tchilieuvre

De Wikipedia
Ch't' articl'ye fut c'menchie en Jèrriais
Lé jaune anaconda (Eunectes notaeus) d'meuthe en Améthique du Sud

Eune tchilieuvre ou un sèrpent est eune reptile sans gambes, mang'rêsse dé viande tch'a un long corps couèrt d'êcrèdes. Il' ont l'fraid sang (i' sont ectothèrmiques).

Y'a dans les 2,900 manniéthes dé tchilieuvre par touos les continnents excepté l'Antarctique. Dans la zoologie y'a vîngt fanmil'yes dé tchilieuvres.

Ouaithe qu'raîque eune minnorité dé tchilieuvres font sèrvi du v'lîn pouor tuer ou paralyser lus happe, les gens sont pus à co êpeûthés l'avant ès tchilieuvres et l'sèrpent est, dans des tchultuthes, un sŷmbole du ma. Les dragons r'sembl'yent souvent ès sèrpents.

Anatonmie[amendaer | modifier le wikicode]

Anatonmie d'eune tchilieuvre: 1 fale, 2 sûffliet, 3 ponmons d'sûffliet, 4 ponmon r'tréchi gauche, 5 ponmon dêtre, 6 tchoeu, 7 faie, 8 ventre, 9 noe, 10 vessie à bile, 11 souothis, 12 rate, 13 bououyaux, 14 p'lotes, 15 rîngnons.

Les tchilieuvres n'ont pon d'ouothelles hortes du corps. Il' ont des paûpiéthes transpathentes tchi couvrent les ièrs - i' n'peuvent pon blyîntchi.

Manniéthes dé tchilieuvres[amendaer | modifier le wikicode]

  • sèrpent à sonnettes
  • vipéthe
  • tchilieuvre quémeune (Natrix natrix)

Y a co' de quei à vei' ou à ouï' entou'
les tchilieuvres
sus les Coumuns à Viquipédie