Tee-corset

De Wikipedia
Ch't' articl'ye fut c'menchie en Jèrriais

Un tee-corset est un habit. Ch'est un corset d'coton à courtes manches sans boutons, sans paûtes, sans colyi. Chu sîmpl'ye corset prend san nom d's forme dé T.

Lé tee-corset soulait êt' du lînge dé corps qu'nou m'ttait souos eune quémînse. Duthant la Preunmié Dgèrre Mondiale les soudards Améthitchains r'mèrtchîtent ches corsets ligièrs et pratiques qu'les cheins d'l'Ûrope portaient. Pouor l'entrée d's Améthitchains dans la S'gonde Dgèrre Mondiale, les soudards et mat'lots Améthitchains avaient la couôteunme dé travaillyi dans des tee-corsets sans mett' lus c'mînses ou câsaques.

Auprès la dgèrre, lé publyi, accouôteunmé d'vaie d'hoummes en tee-corset, atchilyit ch't habit-là. Les politiciens c'menchîtent d'înmprînmer des slogans sus ès êlections. Pouor l's années 1960s les jannes gens les peindaient, teindaient et couleuthaient, et les protêts d'chu temps-là offraient eune opporteunité d'mouontrer toutes les manniéthes dé slogans et sŷmboles.

Achteu, lé tee-corset est porté par un amas d'monde. V'là tch'est bein pouor pratitchi l'sport.

Y a co' de quei à vei' ou à ouï' entou'
les tee-corsets
sus les Coumuns à Viquipédie