Tou d'Pîse

De Wikipedia
Ch't' articl'ye fut c'menchie en Jèrriais


La Tou d'Pîse est la pus fanmeuse tou cantée du monde.

La Tou d'Pîse est eune fanmeuse tou à Pîse en Italie.

La tou a 55 mètres dé haut et y'a 294 d'grés dans la montée en touothâle en d'dans.

La bâtithie d'la tou fut c'menchie l'9 d'Août 1173 pouor êt' lé cliochi d'la cathédrale, mais quand la traîsième êtage fut finni d'vièrs 1178 la tou avait c'menchi à canter. Nou r'nonchit la bâtithie pouor eune chentaine d'années. Quand l'travas r'quémenchit en 1272 nou tâchit d'amender la cant'tie. Nou laîssit la tou d'1301 jusqu'en 1350 épis l'drein êtage fut ajouôté en 1372.

Achteu la tou est cantée dans les 5.5 d'grés. Viyant qu'ou dangélait l'publyi car ou cantait d'pus en pus, la tou fut freunmée en 1990 et d's expèrts entréprîntent des m'suthes pouor arrêter la bouog'gie des fondâtions. La tou r'ouvrit au publyi en 2001.

S'lon chein qu'nou raconte, lé scientiste Galiléo fit un expéthînment en laîssant tchaie deux boulets d'canon du haut à seule fîn d'prouver qu'les choses dé difféthents paids tchaient d'la même ièrre.

Y'a 7 clioches dans la tou.