Clioche
Ch't' articl'ye est êcrite en Jèrriais
|
Eune clioche (clloque, tchôque) est un înstrument d'musique bein sîmpl'ye dans la forme d'eune tâsse tchi sonne quand nou la tape. Nou fait sèrvi les clioches pouor annonchi eune nouvelle, ou mèrtchi eune cérémonnie. La sonn'nie d'clioches coumme musique est traditionnelle pouor les mathiages.
L'pus souvent les clioches sont en méta, mais i' sont faites étout en pot'tie ou en vèrre. Les clioches peuvent êt' faites en fé mais l'pus souvent i' sont en bronze, partitchuliéthement un alouai dé 78% d'rouoge tchuivre et 22% d'blianc-fé.
La Sonn'nie d'Clioches à Noué
[amendaer | modifier le wikicode]Par eune vielle couôteunme dé pus d'chin chents ans, en Jèrri nou sonne les clioches d'églyise dans les Pâraîsses dé St. Ouën, St. Pièrre et Ste. Mathie d'pis méjeu la Sèrvelle jusqu'à mînniet l'jour dé Noué. Aut'fais chutte couôteunme sé gardait étout à St. Jean, St. Brélade et St. Louothains.
Entre 1461 et 1468, les Français avaient 'té en otchupâtion d'l'Ile. À chein qu'nou dit, la libéthâtion arrivit dans l's ambettes dé Noué, et dé jouaie nou sonnit les clioches dans les cliochièrs du Ouêst tchi n'avait janmais 'té tout à fait dans les mains d'l'enn'mîn.
Autrément
[amendaer | modifier le wikicode]Y'a des pliantes étout tch'ont nom des clioches:
- Campanula medium
- lé bliuet, Hyacinthoides non-scripta
- la g'zette Narcissus pseudonarcissus
-
des clioches, Campanula medium -
des clioches, Hyacinthoides non-scripta -
des clioches, Narcissus pseudonarcissus
.jpg)
- sonner la clioche veurt dithe aver des r'lâtions sexuelles
- I' n'est pon qu'faithe d'en sonner les clioches
Viyiz étout
[amendaer | modifier le wikicode]- Clloque - en Cotentinais
