Caûque-souothis

De Wikipedia
Ch't' articl'ye fut c'menchie en Jèrriais
Eune caûque-souothis Myotis myotis

Eune caûque-souothis est un mammiféthe tch'a d's ailes et tchi peut voler; ch'est l'seul mammiféthe tch'est capabl'ye dé voler pouor du vrai. Y'en a d'aut's bêtes tchi peuvent vailer en l'air mais les dgéthets dé d'vant ès caûques-souothis sont êvolués en ailes, auve eune vaile dé entré les dés d'chein tchi soulait êt' la main.

Y'a dans les 1,100 manniéthes dé caûque-souothis dans l'monde. I' sont cliâssifiées dans l'ordre Chiroptera (tchi veurt dithe en Grèc main aile). Dans les 20% d'manniéthes dé mammiféthe sont des caûques-souothis.

70% des caûques-souothis sont des mangeurs d'însectes; quâsîment touos l's aut's sont des mangeurs dé frits, sénon qu'i' y'a trais manniéthes dites "vampithes" tchi chuchent lé sang, et acouo tchiques manniéthes tchi happent des p'tites bêtes à héthèque (des raînottes, des paîssons et ofûche des ouaîsieaux).

Y a co' de quei à vei' ou à ouï' entou'
les caûques-souothis
sus les Coumuns à Viquipédie