Êléphant

De Wikipedia
Ch't' articl'ye fut c'menchie en Jèrriais


Êléphant
Loxodonta africana
Zoologie
regnum: Annimaux
divisio: Chordata
classis: Mammiféthes
ordo: Proboscidea
familia: Elephantidae
genus: Loxodonta, Elephas
species: Elephas maximus,
Loxodonta africana,
Loxodonta cyclotis

Un êléphant (Guernésiais : éléphànt) est un annima auve eune trompe et des d'fenses. Ch'est un mangeux d'pliantes.

Au jour d'aniet y'a dans l'monde trais manniéthes d'êléphant: deux manniéthes d'êléphant Afritchain (Loxodonta) et eune manniéthe d'êléphant Îndgien (Elephas).

Jusqu'à ches drein, nou comptait raîqu'eune manniéthe en Afrique, mais achteu nou considéthe qué l'êléphant Afritchain est dé deux manniéthes.

L'êléphant est l'pus grand annima à tèrre qu'nou trouve au jour d'aniet. L's êléphants Afritchains sont pus grands (dans les 4m dé haut) qu'les cheins Îndgiens.

Y'a dans les 600,000 êléphants Afritchains et dans les 40,000 êléphants Îndgiens. L's êléphants sont m'nichis car lus d'fenses sont d'l'iviéthe, et i' pèrdent étout lus tèrrain à d'meuther.

Dans la préhistouaithe y'avait d'aut's manniéthes d'êléphant tchi sont hortes dépis l'Âge dé Gliaiche – l'êléphant laineux 'tait eune manniéthe tch'est dispathue.

Y a co' de quei à vei' ou à ouï' entou'
l's êléphants
sus les Coumuns à Viquipédie