Iviéthe

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
D'l'iviéthe

L' iviéthe est eune matchiéthe tchi veint des dents. L'pus souvent, l'iviéthe est des d'fenses d'un êléphant (les d'fenses sont eune manniéthe dé dent). Coumme eune dent craît la partie dé d'dans tch'est organnique est rempliaichie par des composés d'calcium et v'là tchi couvre la partie dé d'houors d'la dent et tch'est l'iviéthe.

D'pis les touos vièrs temps, nou-s'a fait sèrvi l'iviéthe pouor la stchulptuthe et la décorâtion. D'vant l'învention des pliastiques, nou faîthait sèrvi l'iviéthe pouor les boutons, les cliés d'piano et des parties d'înstruments d'mûsique.

L's êléphants achteu sont m'nichis par lé conmèrce dé l'iviéthe, et d'pis 1989 nou-s'a aboli l'conmèrce întèrnâtionna d'l'iviéthe, mais nou-s'a r'lâtchi l'accord en 2002 à seule fîn d'allouer ès pays Afritchains d'en profiter.

Commons-logo.svg

Y'a acouo d'tchi à vaie ou à ouï entouor
l'iviéthe
siez la C'meune à Ouitchimédia