Agritchultuthe

From Wikipedia
Jump to: navigation, search
  • Normaund de la Graund'Terre tchulteure
  • Jèrriais agritchultuthe
Ch't' articl'ye fut c'menchie en Jèrriais Jèrriais
Lé S'meux d'Jean-François Millet

L' agritchultuthe (audgo agritchultuthe) est la faîs'sie d'mangi, dé taile, dé fouâle, et d'aut's matéthiaux en tchultivant des pliantes ou en êl'vant des bêtes.

42% (estînmé 2002) d'la populâtion du monde travâlent dans l'agritchultuthe, mais raîque 4.4% (estînmé 2005) du bein finnancyi mondial veint d'l'agritchultuthe.

Histouaithe dé l'agritchultuthe[amendaer | edit source]

Dans les touos vièrs temps, nou chassait et tchilyait des frits, des lédgeunmes et des réchinnes s'lon les saîsons d'avoût et s'lon l'èrmueûthie saîsonniéthe des bêtes.

I' sembliéthait qu'des gens c'menchîtent à apprivouaîsi des bêtes et plianter d'la s'menche dans des difféthentes contrées, sustout dans l'Êst du Mitan, y'a dans les 10,000 ans. Y'a du têmouongnage archéologique d'la fèrméthie sus les bords du Nil, entré les deux riviéthes en Mésopotanmie, et en Anatolie dans la P'tite Âsie.

La tchéthueûthie en Vielle Êgypte

Pouortchi qu'les gens ont c'menchi à r'nonchi eune vie d'èrmueûthie à seule fîn d'settler dans des villages et graie des fèrmes? Nou n'sait pon, mais ch'tait p't-êt' qu'i' y'eût un changement d'clyînmat, ou qu'la craîssance d'la populâtion oblyigîtent eune manniéthe dé vie tchi pouôrrait souôt'nîn pus d'gens.

Ch'tait en l'Âge dé Bronze, qu'la fèrméthie d'vînt êtablyie et qu'nou trouve les preunmié empithes – car pouor souongni eune armée i' faut des stôrres dé mangi.

Agritchultuthe d'achteu[amendaer | edit source]

En 2004, la FAO des Nâtions Unnies estînmit la production agritchultuthelle mondiale coumme sied:

Les manniéthes dé production
(millions d'tonnes) 2004
céréales 2,264
lédgeunmes and m'lons 866
réchinnes and patates 715
lait 619
frit 503
viande 259
hielle dé pliante 133
paîsson (estînmé 2001) 130
oeux 63
pais 60
taile dé pliante 30
R'source: UN FAO[1]
Les manniéthes tchultivées
(millions d'tonnes) 2004
ros à chucre 1,324
maïs 721
fronment 627
riz 605
patate 328
bette à chucre 249
soya 204
palme à hielle 162
orge 154
tonmate 120
R'source: UN FAO[2]



Commons-logo.svg

Y'a acouo d'tchi à vaie ou à ouï entouor
l'agritchultuthe
siez la C'meune à Ouitchimédia