Oeu

De Wikipedia
Ch't' articl'ye fut c'menchie en Jèrriais
Un oeu d'poule et un oeu d'autruche

Un oeu est un cont'neux des p'tchiots d's annimaux tchi n'donnent pon naîssance ès p'tchiots vivants. Y's d's annimaux tchi ponnent un oeu ou d's oeux à seule fîn d'protégi et d'nouôrri l'aître fèrtilîsée.

Les paîssons, l's ouaîsieaux, l's însectes, les reptiles et l's amphibiens sont pustôt les cheins tchi ponnent des oeux mais y'a eune pétite dgaîngue dé mammiféthes tch'ont nom les monotrêmes ponnent d's oeux étout.

L's oeux tchi sont ponnus dans l'ieau sont mos; les cheins tchi sont ponnus sus tèrre ont eune cruque. Lé pus grand oeu d'achteu est l'chein d'l'autruche.

Lé mangi[amendaer | modifier le wikicode]

D'pis les touos vièrs temps nou-s'a mangi l's oeux et y'a un tas d'manniéthes à coutchi chu mangi-là. L'pus souvent nou mange des oeux d'poule, mais ofûche étout d'pithotte, dé cannotte et d'aut's ouaîsieaux. Coumme un îngrédgein dans la tchuîsinne l'oeu est hardi împortant; pouor des gâches et la pâtich'chie. Nou peut faithe sèrvi l'jaune d'oeu et l'blianc d'oeu s'pathêment. Lé jaune est fait sèrvi pouor lier des sauces, et l'blianc est d'battu pouor alligi des pliats.

Ditons[amendaer | modifier le wikicode]

  • pliein coumme un oeu
  • i' crait aver d's oeux au feu, et i' n'a pon seulement des cruques
  • ya pad bouseins sen coque

Y a co' de quei à vei' ou à ouï' entou'
l's oeux
sus les Coumuns à Viquipédie