Augustus Asplet Le Gros

De Wikipedia
Sauter à la navigation Sauter à la recherche
Ch't' articl'ye est êcrite en Jèrriais Jèrriais


Augustus Asplet Le Gros

Augustus Asplet Le Gros (1840-1877) 'tait un auteu Jèrriais. San nom d'plieunme 'tait A.A.L.G.

I ‘tait d’eune vielle fanmil’ye St. Louothachaise et auprès aver ‘té êcolyi au Collège Victoria, i’s’mînt êtudier la louai en Ville auvec un êcrivain. Pouortant, i’ préféthit rester tchultivateu. Mais étout, i’ tait Connêtabl'ye d’St. Pièrre, Juge dé la Cour Rouoyale et lé preunmié Ségrétaithe d’La Sociêté Jèrriaise.

I' c'menchit un dictionnaithe du Jèrriais tchi fut publié pus tard par un conmité d’La Sociêté coumme Glossaire du Patois Jersiais, mais i’ avait un don pouor la poêsie et composit hardi en Jèrriais, Français et Angliais. Ses vèrsets ‘taient souvent èrligieurs car i’ tait hardi pieux. Entr’autre dé ses publyicâtions y’eut La Nouvelle Année, un voleunme annuel dé vèrsets par li-même et ses anmîns – pouor huit ans d’temps, et dé 1865-1877 nou trouve dé ses poêsies en Jèrriais, auvec un êpelage tchiquefais Mouaîtîn, dans l’Almonnas d’la Nouvelle Chronique et ailleurs.


Audgo[amendaer | modifier le wikicode]

Sound-icon.svg

Commons-logo.svg

Y'a acouo d'tchi à vaie ou à ouï entouor
Augustus Asplet Le Gros
siez la C'meune à Ouitchimédia