Brighton

De Wikipedia
Sauter à la navigation Sauter à la recherche
Ch't' articl'ye fut c'menchie en Jèrriais Jèrriais
Lé Pavillon Rouoya d'Brighton

Brighton est eune ville sus la côte du Sud d'l'Angliétèrre dans l'Sussesse d'l'Êst. Dans lé Livre dé Domesday Brighton fut mentionné coumme un village ès pêtcheurs tch'avait nom Brighthelmston. Au mitan du 18e siècl'ye la faichon pouor sé bangner dans la attriotchit du monde à la côte. Parmi les grôsses têtes tch'y vîntent fûtent l'Prînce dé Galles et sa bouonnefemme ségrète, la Danme Fitzherbert.

Lé Prînce prînt eune maîson d'fèrme en 1786 et c'mandit à s'n architecte, Henry Holland, dé l'agrandi et v'là tch'i' fit en mode Néo-Cliassique. Chutte maîson fut transformée 1815-1822 par l'architecte John Nash en un palais fantastique d'eune manniéthe dé méli-mélo dé Chinnouais, Îndgien et Néo-Gothique - ch'est l'Pavillon Rouoya. La Reine Victoria vendit l'palais à la ville.

Dépis 1997 les villes jeunmelles dé Brighton et Hove sont eune autorité. En 2000 Brighton et Hove dévîntent eune cité pouor mèrtchi l'millénaithe.

Brighton a la pus grande populâtion dgaie du Rouoyaume Unni.