Ville

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
La ville dé Barcélonne

Eune ville est un touffet d'maîsons et d'bâtisses dans un vaîthinné. Eune ville peut êt' eune pétite pouongnie d'maîsons, coumme en Jèrri: La Ville au Bas, La Ville au Veslet, La Ville à l'Êvêque. Hors Jèrri, nou dithait pustôt qu'ch'est un village.

Histouaithe[amendaer | modifier le wikicode]

Pouor les Gallo-Romains des touos vièrs temps eune villa 'tait eune fèrme, et nou-s'app'lait les grandes fèrmes atout les noms d's aûgnièrs: Parville (la villa à Paternus), Fourneville (la villa à Furnus); ou bein atout eune description d'la fèrme ou des tèrres: Hauteville, Longueville, Granville (ou Magneville, du Latîn magna = grande).

En Nouormandie, jusqué dans les 20% des noms d'pliaiche sont des -ville ou Ville- mais y'a des difféthences entré les contrées: l'Orne a raîque 3% des noms en ville; lé Calvados en a dans les 15%; l'Ûre en a dans les 18%; la Manche en a dans les 25% épis dans les 31% dans la Seine-Mathitînme. Tout coumme, dans la Manche, y'a eune difféthence entré l'Nord et l'Sud - l'Avranchîn en a raîque dans les 3% mais y'en a jusqué dans les 80% dans La Hague.

La ville dé Babylonne 'tait ieune des pus vielles villes du monde

Ch'est en tchi les cheins Gèrmanniques tchi settlîtent en Nouormandie atchilyîtent la couôteunme dé nommer lus fèrmes en -ville. J'viyons don Gatteville (la fèrme à Gatto), Gouville (la fèrme à Godo) et tout chenna. Épis les Norrouais fîtent dé même: Equeurdreville (la fèrme à Skelder), Quetteville/Quettreville (la fèrme à Ketill) et Grouville (la fèrme à Gero).

Au c'menchement eune ville 'tait eune fèrme auve ses offices et ofûche des cauminnes à l'entou. À seule fîn dé s'protégi lus grandes fèrmes, des seigneurs éthaient bâti des câtchieaux à l'entou, et ches villes pouôrraient abrier et attriotchi des marchièrs.

Les pus împortantes villes fûtent èrconnues par la louai du pays et gângnîtent lé drouait dé lus gouvèrner.

Achteu[amendaer | modifier le wikicode]

Au jour d'aniet, eune ville est l'pus souvent eune meunicipalité tchi peut êt' pétite ou hardi grande. La ville la pus împortante d'un pays est la capitale.

Dans des pays, eune cité ou grande ville est eune ville împortante.

Les cheins tchi d'meuthent dans eune ville sont des villais (Normaund de la Graund'Terre des vilotins). Le pus souovent, fâot entenre qùé les gens qùi demeurent dauns des c'meunes en -ville ount eun avernom espécia. Les gens de Ĥâoteville sount des Ĥâotais, céeus d'Éqùerdréville des Éqùerdrais, et de Gatteville des Gattais.

Dans l's Îles[amendaer | modifier le wikicode]

La Ville dé l'Églyise à Saint Ouën est eune pétite pouongnie d'maîsons à l'entou d'l'églyise pârouaîssiale

En Jèrri, la Ville est Saint Hélyi, et en Dgèrnésy, la Ville est Saint Pièrre Port.

Ditons[amendaer | modifier le wikicode]

Des villes[amendaer | modifier le wikicode]

Viyiz étout la Liste des capitales

en Nouormandie:

en Brétangne:

en France:

au Rouoyaume Unni:

en Ûrope:

en Afrique:

en Améthique du Nord:

en Améthique du Sud:

en Âsie:

Réféthence[amendaer | modifier le wikicode]

  • René Lepelley, Noms de lieux de Normandie et des îles Anglo-Normandes, 1999, ISBN 2-86253-247-9


Commons-logo.svg

Y'a acouo d'tchi à vaie ou à ouï entouor
les villes
siez la C'meune à Ouitchimédia