Lé Cap

De Wikipedia
Ch't' articl'ye est êcrite en Jèrriais


Lé Cap veu d'la Montangne d'la Tabl'ye

Lé Cap (en Angliais: Cape Town; en Afrikaans: Kaapstad; en Xhosa: eKapa ou SaseKapa) est eune ville en Afrique du Sud. Ch'est la traîsième pus grande ville du pays et ch'est ieune des trais capitales - lé Parlément a ses assembliées là.

La ville est donminnée par la Montangne d'la Tabl'ye.

La populâtion est 2,893,251 (en 2001)

Histouaithe[amendaer | modifier le wikicode]

Lé Cap est la pus vielle ville en Afrique du Sud. Les gens Khoisan y d'meuthaient d'vant l'arrivée des marchands Hollandais tchi fondîtent un port d'conmèrce en 1652. En 1814, quand les Britanniques avaient battu les Hollandais, la ville et san tèrritouaithe dévîntent eune colonnie Britannique.

Lé Cap restit la pus grande ville en Afrique du Sud jusqu'ès années 1880s quand la dêfouithie dé dgiamants et d'or en Transvaal transformit l'êconomie du pays. Ouaithe qué d'aut's villes dêv'loppîtent bein quédaine, Lé Cap d'vînt prospéthe viyant qu'i' 'tait acouo l'pus grand port Sud-Afritchain.