Bristo

De Wikipedia
Ch't' articl'ye fut c'menchie en Jèrriais
Bristo

Bristo (audgo Bristo; en Angliais: Bristol) est eune ville d'Angliétèrre.

Histouaithe[amendaer | modifier le wikicode]

La ville fut fondée par les Saxons sus la riviéthe Avon (lé nom Brycgstow veurt dithe la pliaiche du pont), et Bristo d'vînt un centre dé conmèrce sustout dans l'escliavage jusqu'à la Contchête Nouormande. Les Nouormands y bâtîtent un châté (passecrit au 17e siècl'ye) , et s'lon lé Livre dé Domesday, Bristo 'tait la quatrième ville en Angliétèrre auprès Londres, Évèroui, et Winchester. Lé vîn fut împorté en Angliétèrre d'Bordgieaux par Bristo au 12e siècl'ye.

Pouor lé 14e siècl'ye, Bristo 'tait la traîsième ville d'Angliétèrre.

En 1497, Jean Cabot et san fis Sébastchien Cabot tchittîtent Bristo pouor vailer explôrer l'Améthique du Nord.

D'pis 1542 Bristo a 'té eune cité. Lé conmèrce auve l'Irlande, la Tèrre-Neuve et d'aut's bords du monde êtablyit la prospéthité d'la ville. La ville èrtouônnit à l'escliavage et trafitchait d's Afritchains en Améthique. L'abolition du conmèrce d'escliaves en 1807 et la compétition des nouvelles villes îndustrielles du Nord d'l'Angliétèrre et sustout d'la caûchie d'Liverpool mèrtchit la fîn d'l'âge d'or d'Bristo.

Où'est qu'est Bristo

La preunmié chapelle Méthodiste fut êtablyie par Jean Wesley à Bristo en 1739.

Lé Pont d'Clifton bâti l'travèrs d'la vallée d'l'Avon par Isambard Kingdom Brunel est ieune des mèrvelles dé l'înginn'nie d'la Révolution Îndustrielle.

Y'a deux unnivèrsités à Bristo:

  • l'Unnivèrsité d'Bristo (fondée 1909)
  • l'Unnivèrsité du Vouêt d'l'Angliétèrre (tchi r'chut sa charte 1992)

Y a co' de quei à vei' ou à ouï' entou'
Bristo
sus les Coumuns à Viquipédie