Cornouaillais

De Wikipedia
Ch't' articl'ye fut c'menchie en Jèrriais
La dispathition du Cornouaillais en Cornouailles avaû l's années

L'Cornouaillais (Kernowek) est eune langue Celtique qué nou pâle en Cornouailles (Kernow). Ch'est eune langue tch'a 'té ravigotée à ches drein et sèl'ment eune minnorité des gens en Cornouailles pâlent la langue.

L'Cornouaillais est eune langue régionale du Rouoyaume Unni et ch'est la seule langue régionale dé l'Angliétèrre.

Y'a quat' manniéthes d'êcrithe lé Cornouaillais (ou ofûche des loceis, car y'a des difféthences dé granmaithe et d'vocabulaithe étout). Henry Jenner et Robert Morton Nance tchi ravigotîtent lé Cornouaillais au c'menchement du vîngtchième siècl'ye, êtablyîtent eune manniéthe d'êcrithe tch'a nom Kernowek Unys (Cornouaillais Eunifié). Duthant les années 1980, Curnoack Nowedga (Cornouaillais d'Achteu), faîthant sèrvi des matéthiaux des 17e et 18e siècl'yes et eune manniéthe d'êcrithe pustôt Angliaîche, fut dêv'loppé. En 1986, Ken George êtablyit Kernewek Kemmyn (Cornouaillais C'meun) tch'est la manniéthe la pus populaithe du Cornaouaillais achteu. En 1995, Nicholas Williams publyit eune proposition pouor un amendement du Cornouaillais Eunifé - Kernowek Unys Amendys.

Exempl'yes[amendaer | modifier le wikicode]

Né v'chîn eune compathaîson d'deux manniéthes d'êcrithe lé Cornouaillais et des langues couôsinnes.

Cornouaillais (SWF) Gallouais Bréton Jèrriais
Kernowek Cernyweg Kerneveureg Cornouaillais
gwenenen gwenynen gwenanenn moûque à myi
kador cadair kador tchaîse
keus caws keuz fronmage
en-mes y ffordd allan/mas er-maez sortie
kodha cwympo kouezhañ tchaie
gaver gafr gavr biche
chi ti maîson
gweus gwefus gweuz lèvre
aber aber, genau aber bouoche d'eune riviéthe
niver rhif, nifer niver neunmétho
peren gellygen, peren perenn paithe
skol ysgol skol êcole
megy mygu mogediñ p'tunner
steren seren steredenn êtaile
hedhyw heddiw hiziv aniet
ghwibana chwibanu c'hwibanat sûfflier