Manniéthe d'êcrithe

From Wikipedia
Jump to: navigation, search
Ch't' articl'ye fut c'menchie en Jèrriais Jèrriais
Des manniéthes d'êcrithe au Japon

Eune manniéthe d'êcrithe (audgo manniéthe d'êcrithe) est un mouoyen êcrit d'èrprésenter eune langue.

En génétha, la manniéthe d'êcrithe d'eune langue peut êt' lé système dé sŷmboles tch'est fait sèrvi pouor êcrithe la langue: un a b c, eune syllab'thie, d's hiéthoglyiphes, d's idéogranmes.

La manniéthe d'êcrithe peut dêcrithe coumme tchi qu'nou-s'êcrit eune langue – en colonnes ou en lîngnes, ava ou amont, dé drouaite ou d'gauche.

En partitchulyi, la manniéthe d'êcrithe eune langue est l'amas des règl'yes tchi gouvèrnent coumme tchi qu'nou-s'êcrit correctément, coumme tchi qu'i' faut êp'ler des mots, l'usage d'accents, d'apostrophes, dé mèrques dé ponctuâtion, dé grandes lettres et dé p'tites lettres, et tout chenna.

Eune langue peut aver pus d'eune manniéthe d'êcrithe. Lé Japonnais fait sèrvi quat' manniéthes d'êcrithe: d's idéogranmes, deux manniéthes dé syllab'thie, et l'a b c Latîn. L'Angliais a des difféthentes manniéthes d'êcrithe en Grande Brétangne et ès Êtats Unnis d'Améthique s'lon lus couôteunmes d'êp'lage et d'ponctuâtion.

Viyiz étout[amendaer | edit source]

Commons-logo.svg

Y'a acouo d'tchi à vaie ou à ouï entouor
les manniéthes d'êcrithe
siez la C'meune à Ouitchimédia