Pitchet

De Wikipedia
(Èrdirect dé par Dard)
Ch't' articl'ye fut c'menchie en Jèrriais


Un pitchet est, preunmiéthement, dé tchi tchi pique.

Y'a des pliantes tch'ont des pitchets à seule fîn d'lus protégi. Y'a des pliantes, coumme lé rôsyi et la ronche, tch'ont des pitchets sus la tigue. D'aut's pliantes ont des pitchets sus lus fielles, coumme lé housse. Les pitchets ès ortchies sont pouaîsonneurs et înjectent du v'lîn.

Y'a d's annimaux tch'ont des pitchets. Lé hérisson, l'por à pitchets sont des mammiféthes, mais y'a bein d's însectes tch'ont des pitchets: des moûques à myi, des vêpres et tout chenna.

Un but d'méta tch'est fait pouor pitchi peut êt' étout un pitchet. Dans la gamme du pitchet, nou lanche des pitchets au blianc.

Enfîn, autcheune chose tch'est longue tch'est pitchie dans la tèrre pouor souôt'nîn dé tchi peut êt' un pitchet: un êtendpèrque ou aut' chose.

Gal'lie[amendaer | modifier le wikicode]

Ditons[amendaer | modifier le wikicode]

  • i' n'y'a pon d'roses sans pitchets
  • voler les roses et laîssi les pitchets