Françouais d'Assise

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais


Giotto di Bondone 002.jpg

Françouais d'Assise est un saint.

I' fut né à Assise en Italie dans les 1181. Lé janne Françouais (Francesco) Bernadone 'tait l'fis d'un marchand d'taile auve un magl'ye dé bein.

Un jour, i' lî semblyit qu'Jésû lî dit dé "r'graie sa maîson". I' vendit un ballot d'taile dé d'dans l'stôrre à san péthe à seule fîn d'èrpather l'églyise. San péthe lé fliantchit hors et Françouais s'en fut d'meuther en pouôrreté. Auprès trais ans en 1210, lé Pape Înnouothant III lî donnit la pèrmission, lî et onze dé ses parchonnièrs, d'aller prêchi la pathole dé Dgieu en pouôrreté. Né v'là coumme tchi les P'tits Fréthes fûtent fondés.

Pouor 1217, la parchonn'nie avait tant d'membres lé travèrs d'l'Italie et dans d'aut's pays qu'i' fallait r'explyitchi les prîncipes dé pouôrreté et sîmplicité. En 1221, Françouais êcrivit eune nouvelle vèrsion des règl'yes. En 1224, coumme i' dithait ses priéthes, san corps fut mèrtchi par des mèrques tchi r'sembliaient ès chîn bliêsseûthes du Christ crucifié, s'lon chein qu'nou criyait à chu temps-là.

I' mouothit en 1226 et fut canonnîsé bein quédaine en 1228. Sa fête est l'4 'Octobre. Il est un saint patron des bêtes.


Commons-logo.svg

Y'a acouo d'tchi à vaie ou à ouï entouor
Françouais d'Assise
siez la C'meune à Ouitchimédia