George III du Rouoyaume Unni

De Wikipedia
Ch't' articl'ye fut c'menchie en Jèrriais
Lé Rouai George III

George III (George William Frederick) (4 d'Juîn 1738 - 29 d'Janvyi 1820) 'tait l'rouai d'Grande Brétangne (pus tard du Rouoyaume Unni), êlecteu, pus tard rouai, d'Hannovre, et Duc dé Nouormandie (dans l's Îles).

Il avînt au trône lé 29 d'Janvyi 1760 quand san grand-péthe, George II, mouothit. I' fut couronné l'15 dé Septembre 1761.

Duthant san règne, les colonnies Améthitchaines gângnîtent lus îndépendance et griyîtent les Êtats Unnis d'Améthique. En 1801 les couronnes dé l'Irlande et d'la Grande Brétangne fûtent unnies à seule fîn d'graie l'Rouoyaume Unni.

En 1788, i' fut afflyigi d'un ma d'chèrvé bein séthieux, mais i' s'èrdgéthit. I' r'fut afflyigi d'même en 1804, mais auprès la mort d'sa fil'ye, la Prîncêsse Amélie, en 1810 il eut les sens si touônnés qu'nou l'embârrit dans l'Châté d'Windsor pouor l'restant d'sa vie. Lé 12 d'Octobre 1814, Hannovre dévînt un rouoyaume et d'pis chu temps-là, George 'tait étout l'rouai d'Hannovre.

Viyant sa longue maladie, san fis, l'Prînce dé Galles, fut nommé Prînce Régent au mais d'Févri 1811

À sa mort en 1820, san fis, George IV, héthitchit l'trône.

Viyiz étout[amendaer | modifier le wikicode]