Godfrey Hounsfield

De Wikipedia
Ch't' articl'ye fut c'menchie en Jèrriais


Messire Godfrey Newbold Hounsfield (28 Août 191912 Août 2004) 'tait un înginnieux Angliais tchi dêv'loppit la tomographie à compiuteu.

Êl'vé sus eune fèrme dans l'Nottinghamshire, i' soulait niv'loter atout les machinnes et l's ôtis d'la fèrme à ses pathents. Pouor la S'gonde Dgèrre Mondiale il enrouôlit dans la Royal Air Force où'est qu'i' travaillit sus l'êlectronnique et l'radar.

En 1951 i' s'en fut travailli à la compangnie EMI pouor les fîsées dgidées et l'radar. I' s'întérêssit dans les compiuteurs et l'annalŷs'sie dé scann'nies. Duthant l's années 1960 i' voulait trouver un mouoyen d'vaie l'chèrvé. Ch'est en tchi la matchiéthe du chèrvé est compliètment entouothée d's os d'la cranne et don l'x-raiethie n'pouvait pon en distîndgi la structuthe. Hounsfield pensit qu'si nou prannaient des radiographes dé tout à l'entou d'la tête, un compiuteu pouôrrait ofûche compather les sîngnaux et distîndgi les patrons pouor mouôntrer chein qu'i' y'a là d'dans. Allan McLeod Cormack avait dêjà fait des caltchuls pouor chutte théorie. La preunmié scann'nie médicale faite par la tomographie à compiuteu fut entréprînse en 1971 à l'hôpita Atkinson Morley à Londres. Pouor 1975 Hounsfield bâtit eune machinne bouonne à scanner un corps entchi.

Pouor lus travas dans l'dêv'loppement d'la tomographie à compiuteu, Hounsfield et Cormack chârîtent lé Prix Nobel pouor la méd'cinne en 1979. Hounsfield fut nommé c'valyi en 1981.