Grand' reue

De Wikipedia
Sauter à la navigation Sauter à la recherche
Ch't' articl'ye fut c'menchie en Jèrriais Jèrriais
La grand' reue d'Londres
Riesenrad auf dem Fruehlingsfest in Muenchen.JPG

Eune grand' reue (audgo grand' reue) est eune manniéthe dé ji sus tchi qu'nou-s'abuse ès fêtes ou ès faithes à fanne. Ch'est eune grande reue auve des tchaîses ou des cabinnes à l'entou dans tchi qu'nou-s'assied. La reue cirtchule douochement et v'là tchi donne eune mangnifique veue d'à haut.

Les preunmié grandes reues 'taient en bouais et 'taient pustôt p'tites. Ch'fut George Washington Gale Ferris, Jr. tch'înventit la grand' reue d'achteu en 1893 pouor la grande exhibition à Chicago en Illinouais. Chutte reue 'tait 75m dé haut et pouvait faithe cirtchuler 2,160 âmes en 36 cabinnes.

La grand' reue (Reisenrad) dé Vienne fut bâti en 1897 pouor lé jubilé d'l'empéreu Franz Josef d'Autriche.

Y'a des grandes reues tchi sont fitchies tréjous dans eune pliaiche, mais y'en a un amas tchi sont à dêbouêtchi pouor transporter d'un bord à l'aut' auve des faithes cirtchulantes.

Dans les dreines années, la technologie a avanchi à seule fîn d'monter les cabinnes par lé d'houors d'la reue - v'là tchi donne eune miyeu veue tout à l'entou sans aver à r'garde l'travèrs d'la structuthe d'la reue.