Islam
Ch't' articl'ye fut c'menchie en Jèrriais
|
L' Islam est eune èrligion. Ch'est la deuxième pus grande èrligion du monde (auprès la Chrêtchienneté). Les criyants d'Islam ont nom les Musulmans: y'en a dans les 1.4 billions d'ieux. L'Islam est ieune des trais grandes èrligions dites d'Âbréhan (auve lé Judaïsme et la Chrêtchienneté) et les Musulmans atchil'yent des prophètes, acanté les Juis et les Chrêtchiens, coumme par exempl'ye Âdam et Moïse. Pouor d'ieux, Jésû est un prophète mais i' n'est pon l'Fis d'Dgieu. Les Musulmans craient qu'Mahoummé 'tait l'drein des prophètes – l'Islam siet chein qu'Mahoummé ensîngnait en Arabie au 7e siècl'ye et chein tch'est êcrit dans l's êcrituthes d'Islam tch'est l'livre tch'a nom l'Coran.
Crianches
[amendaer | modifier le wikicode]Les crianches les pus împortantes dé l'Islam sont les Chîn Pilièrs d'Islam.
Dgieu
[amendaer | modifier le wikicode]L'Islam est eune èrligion à un Dgieu. Nou l'appelle Allah (tchi veurt dithe dgieu en Arabe). Lé preunmié pilyi d'Islam est la dêcliathâtion qu'i' n'y'a qu'un dgieu est qu'Mahoummé est san prophète. Les cheins tchi veulent en véthité dév'nîn des Musulmans ont à dêcliather d'même en présence dé têmouains.
Priéthe
[amendaer | modifier le wikicode]S'lon l'deuxième des pilièrs, un Musulman a à prier chîn fais par jour. Y'a des règl'yes pouor les heuthes et coumme tchi prier.
Charité
[amendaer | modifier le wikicode]Les Musulmans ont à donner ès pauvres.
Jeunée
[amendaer | modifier le wikicode]Les Musulmans pratiquent la jeunée, sustout duthant l'mais Islamique dé Ramadan. Touos les Musulmans sont s'posés d'jeûner d'la sinne dé jeu jusqu'au couochant duthant l'mais d'Ramadan, excepté les cheins tchi sont malades ou sus l'âge, en viage, et les femmes tchi nossent ou tchi sont dans lus flieurs.
Pèlerinnage
[amendaer | modifier le wikicode]Touos les Musulmans tchi sont capabl'yes ont à aller en Mecque au mains eune fais dans la vie. Chu pèlerinnage a nom hadg.
Lé Coran
[amendaer | modifier le wikicode]S'lon les crianches dé l'Islam, les êcrituthes fûtent êcrites par Mahoummé s'lon l'èrcitâtion dé l'ange Gabriel. islamhouse
Les maîsons d'priéthe
[amendaer | modifier le wikicode]Un bâtisse où'est qu'les Musulmans lus rassembl'yent à seule fîn d'prier ont nom eune mosquée, eune mosque ou eune mostchie (en Arabe: مسجد masjid). La preunmié mostchie fut fondée en Mecque.
