Mouoyen Âge

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Quâsiment tout l'art du Mouoyen Âge en Jèrri fut bûchi ou avraûné duthant la R'formâtion. Les portraits dans la Chapelle ès Pêtcheurs fûtent êpaîngnis - né v'chîn l'Annonciâtion

Mouoyen Âge (audgo Mouoyen Âge; Normaund de la Graund'Terre Moïen âge) est eune pause dans l'histouaithe d'l'Ûrope (pustôt du Vouêt et du Mitan).

Quand tchi qu'i' 'tait, l'Mouoyen Âge? Traditionnellement, nou-s'a app'lé les siècl'yes entré la civilisâtion Romaine et la cheinne d'la R'naîssance, lé Mouoyen Âge. Y'en a tchi dithent qu'lé Mouoyen Âge, dgia, c'menche à la tchête d'l'Empithe Romain du Vouêt en 476 et duthe jusqu'à la R'formâtion. Mais l'înfluence Romaine avait duthé pus longtemps par des bords qué par d's aut's et la R'naîssance arrivit dans des difféthents pays à des pauses difféthentes. Épis y'avait des pays et des tchultuthes en Ûrope tchi n'avaient janmais atchilyi l'înfluence Romaine, et d'l'aut' bord l'Empithe Romain dé l'Êst duthit jusqu'à la tchête dé Constantinopl'ye en 1453. Et l'dèrnié ridgeu est les r'chèrches tchi font saver qu'i' y'avait bein des civilisâtions en Ûrope duthant tout chu temps-là.

Mais nou pâle en tout cas du Mouoyen Âge pouor distchuter les pays Ûropéens entré la tchête d'l'empithe continnenta des Romains jusqu'à la graiethie d'êtats nâtionnaux tchi sont la fondâtion du système dé pays qu'nou r'connaît au jour d'aniet.

Duthant l'Mouoyen Âge, i' faut r'mèrtchi:

Viyiz étout[amendaer | modifier le wikicode]

Commons-logo.svg

Y'a acouo d'tchi à vaie ou à ouï entouor
lé Mouoyen Âge
siez la C'meune à Ouitchimédia