Pont

De Wikipedia
Ch't' articl'ye fut c'menchie en Jèrriais


Un pont (Guernésiais : pont, paont) est eune structuthe êl'vée sait natuthelle sait d'faichon qu'nou fait sèrvi pouor crouaîsi, par exempl'ye, dé l'ieau, un creux, un c'mîn ou aut' embronque.

Des ponts natuthels[amendaer | modifier le wikicode]

Lé Pont du Châté

Un pliat rotchi ou eune banque dé galet ou d'tèrre ou d'sablion tchi lyie deux pliaiches peuvent êt' un pont.

Y'a des rotchièrs et d's îlots tchi sont liés à la grève au bas dg'ieau par un pont. Lé Pont du Châté dans la Baie d'la Ville en Jèrri est un pont natuthel tch'a 'té amendé et pavé pouor aîdgi la crouaîs'sie du sablion entre la Ville et l'Châté Lîzabé.

Des ponts d'faichon[amendaer | modifier le wikicode]

Lé Neu Pont à Paris

Les preunmié ponts bâtis 'taient sans doute des grandes branques ou des bouais abbattus faits sèrvi pouor crouaîsi des russieaux et cannieaux. La plianque qu'nou vait acouo dans des prés est un sîmpl'ye pont d'chutte faichon.

La Plianque Billot à Saint Hélyi 'tait la crouaîs'sie du russé du but d'la Ville où'est qu'Mess Billot avait sa plianque.

Réféthence[amendaer | modifier le wikicode]

Viyiz étout[amendaer | modifier le wikicode]

Y a co' de quei à vei' ou à ouï' entou'
les ponts
sus les Coumuns à Viquipédie