Souos-mathîn

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Un souos-mathîn Améthitchain souos l'ieau

Un souos-mathîn (audgo souos-mathîn) est un baté grée pouor navidgi souos l'ieau.

Histouaithe[amendaer | modifier le wikicode]

Lé preunmié souos-mathîn praticabl'ye dé tchi y'a eune description fiabl'ye 'tait l'chein grée par Cornelius Jacobszoon Drebbel, un Hollandais tchi travaillait dans l'sèrvice du Rouai Jacques d'Angliétèrre et d'Êcosse, en 1620.

L's Améthitchains êprouvîtent un souos-mathîn contre les Britanniques duthant la dgèrre d'îndépendance - ch'fut l'preunmié souos-mathîn militaithe. Pouor la dgèrre civile Améthitchaine, les deux armées 'taient êtchipées d'souos-mathîns. L'attaque confédéthée du 18 d'Févri 1864 contre un navithe fédétha fut la preunmé fais qu'un souos-mathîn affondrit un aut' baté en batâle.

Pouor chu temps-là, les souos-mathîns avaient 'té des batchieaux à nagi ou à propelleurs boulés à main. L'preunmié souos-mathîn à moteur 'tait l' Plongeur Français lanchi en 1863 tchi faîthait sèrvi un moteur à air.

Le Redoutable exhibé à Chèrbourg

Lé dêv'loppement du souos-mathîn continnuit pouor la fîn du siècl'ye mais ch'tait raîque duthant la Preunmié Dgèrre Mondiale qu'lé souos-mathîn d'vînt eune arme împortante dans la dgèrre.

Manniéthes dé souos-mathîn[amendaer | modifier le wikicode]

Les grands souos-mathîns sont pus à co militaithes, mais y'a étout des p'tits souos-mathîns faits sèrvi pouor expliôrer l'avanteu d'la , pouor l'înginn'nie souos-mathinne (par exempl'ye, des r'pathes ès tchuyaux, mâtants d'pèrchéthie, ponts et tout chenna).

Commons-logo.svg

Y'a acouo d'tchi à vaie ou à ouï entouor
les souos-mathîns
siez la C'meune à Ouitchimédia