Nouvel Éverouic

Ch't' articl'ye est liée doubl'ye : vaie Nouvieau York (frouque). 

Ch't' articl'ye fut c'menchie en Jèrriais

Nouvieau York

Nouvieau York (Angliais: New York) est la pus grande ville des Êtats Unnis d'Améthique. La ville sé trouve dans l'êtat d'Nouvieau York (êtat).

La populâtion d'la ville est dans les 8 millions.

Histouaithe

D'vant l'arrivée d's Ûropéens, ch'tait l's Améthitchains d'réchinne Lénape tch'y d'meuthaient. Henry Hudson arrivit en l'île dé Manhattan lé 11 dé Septembre 1609 – la riviéthe Hudson achteu porte san nom. En 1613 les Hollandais fondîtent eune ville tch'avait nom Nouvel Amstèrdam et en 1652 la ville gângnit l'drouait dé s'gouvèrner. En 1664 les Britanniques prîntent la ville et l'èrbâptîsîtent Nouvieau York en l'honneu du Duc dé York. Les Hollandais r'prîntent la ville en 1673-1674 mais d'pis chu temps-là la ville restit dans l'pouvé des Britanniques jusqu'en 1783 quand i' r'nonchîtent la ville à la fîn d'la dgèrre d'îndépendance des colonnies Améthitchaines.

Nouvieau York 'tait la capitale des Êtats Unnis d'1788 en 1790.

En 1925 la ville dévînt la ville auve la pus grande populâtion du monde, en pâssant Londres. Et v'là tch'est l'âge des hauts bâtisses, coumme lé Bâtisse dé l'Êtat Empithe.