Stonehenge

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
La pouquelaye d'Stonehenge

Stonehenge est eune grande pouquelaye en Angliétèrre. Ou fut bâtie y'a dans les chîn mille ans sus les landes dé Salisbury dans l'comté d'Wiltshire auve des pièrres halées d'Galles.

Les longues pièrres sont alîngnies pouor lé solé du solstice d'Êté et nou crait qu'lé monument 'tait fait sèrvi coumme un almonnas ou calendri pouor lé caltchul des saîsons ou pouor des sèrvices èrligieurs.

D'pis l'vîngtchième siècl'ye quand des cheins tchi voulaient ravigoter les vielles couôteunmes souô-dîsantes des druides c'menchîtent à faithe des cérémonies là au solstice, y'a ieu du hèrtchîn entre l's autorités et des racachies d'gens tchi voulaient lus y rassemblier.

Y'a eune grande route tchi pâsse dé près et d'pis tchiques années nou-s'a distchuté des plians d'faithe eune tonnelle pouor muchi la route et embelli l'site pouor les vîsiteurs - car ch'est ieune des veues des pus fanmeuses en Angliétèrre pouor les touristes.


Viyiz étout[amendaer | modifier le wikicode]

Commons-logo.svg

Y'a acouo d'tchi à vaie ou à ouï entouor
Stonehenge
siez la C'meune à Ouitchimédia