Walter William Ouless

De Wikipedia
Sauter à la navigation Sauter à la recherche
Ch't' articl'ye fut c'menchie en Jèrriais Jèrriais


Walter William Ouless (21 Septembre 184825 Dézembre 1933) 'tait un peintre dé portraits d'gens.

W.W. Ouless fut né l'21 dé Septembre à Saint Hélyi, l'fis d'Philip John Ouless, lé peintre, et Cat'linne Savage. I' fut êdutchi au Collège Victoria épis s'en fut à Londres à l'âge dé 17 entrer dans l's êcoles d'l'Académie Rouoyale. En 1869 un portrait par li fut atchilyi pouor l'Exhibition d'l'Académie. I' c'menchit par faithe des portraits d'histouaithe ou sus des sujets d's Êcrituthes, mais i' gângnit sa r'putâtion par ses portraits d'gens.

I' d'vînt un Associé d'l'Académie en 1877 et Académicien en 1881.

I' fit un tas d'portraits d'grand's gens: lé Cardinna Newman, lé Cardinna Manning, lé Lord Kelvin, Charles Darwin, Thomas Hardy, lé Prînce dé Galles et d'aut's.

I' mouothit à Londres lé 25 dé Dézembre 1933. Sa fil'ye Catherine Ouless dévînt un peintre étout.