Baithe

From Wikipedia
(Èrdirect dé par Bère)
Jump to: navigation, search
Ch't' articl'ye fut c'menchie en Jèrriais Jèrriais
Un abréveux est où'est qu'les bêtes peuvent lus abréver

Baithe ou béthe (audgo baithe; Guernésiais bère, Serkyee ber) est la rempliaich'chie d'litchide dans l'corps par la bouoche. Ch'est en tchi en r'spithant, et suant et en gâtant d'l'ieau, nou pèrd du litchide. Lé corps dait aver dé l'ieau pouor la vie, pouor la biochimie, et, par exempl'ye, eune pèrsonne n'peut dgéthe vivre eune s'maine sans baithe.

baithe est la bouaisson qu'nou bait pouor rempliaichi l'litchide, pouor sé raffraîchi ou pouor du pliaîsi. La bouaisson la pus nathuthelle est l'ieau, mais les mammiféthes baivent du lait tch'est fait par lus méthes. Dans la natuthe, nou trouve des annimaux tchi baivent du jus d'frits ou tchi chuche du sang d's annimaux ou d'la sève des pliantes.

Dans la sociêté des gens, nou-s'a apprîns à graie du baithe, et bein souvent ch'est du béthe à bouaissonner (d'l'alcool). Y'a du baithe fèrmenté: du cidre, du vîn et d'la biéthe – épis nou peut distiller l'baithe à seule fîn d'produithe dé l'ieau-d'vie.

Nou bait étout du thée et du café, et j'avons des bouaissons gazeuses: cola, limonnade.

Viyiz étout[amendaer | edit source]