C'mîns d'Saint Jacques

De Wikipedia
Ch't' articl'ye fut c'menchie en Jèrriais
Nou crait qu'les C'mîns d'Saint Jacques ont eune structuthe dé même

Les C'mîns d'Saint Jacques sont la galaxie dans tchi not' système solaithe est pliaichi. La galaxie est eune galaxie en touothâle et l'Solé est ieune d's êtailes dans iun des bras d'chutte touothâle.

Viyant qu'la galaxie est pustôt pliate, quand j'èrgardons l'ciel, j'viyons un amas d'êtailes coumme un blianc russé. Ch'est en tchi j'èrgardons l'travèrs d'la galaxie d'un bord.

Les pélérîns tch'allaient à Saint Jacques dé Compostelle en Espangne au Mouoyen Âge faîthaient sèrvi les C'mîns d'Saint Jacques à seule fîn d'navidgi, et v'là tch'est l'originne du nom. Dans d'aut's langues lé nom veint d'aut's crianches. Les Vièrs Grècs criyaient qué quand la déêsse Héra tétait lé p'tchiot Hèrtchule, du lait s'êtrueûlit l'travèrs du ciel (ch'est l'originne du mot galaxie car γαλαξίας en Grèc veurt dithe chein tch'est laiteux). Pouor les Lettons et les Lithuaniens ch'est lé c'mîn ès ouaîsieaux car les ouaîsieaux siévent les êtailes en mîngrant.

Y a co' de quei à vei' ou à ouï' entou'
les C'mîns d'Saint Jacques
sus les Coumuns à Viquipédie