Fronmage

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais
Des manniéthes dé fronmage à vendre

fronmage (audgo fronmage; Guernésiais formage, Serkyee frumaj) est du mangi fait auve du lait cailli et êputhé. L'pis souvent nou fait sèrvi du lait d'vaque, mais y'a du fronmage dé biche, dé brébis, dé buffl'ye et tout chenna.

Lé lait est cailli et êputhé. Lé fronmage est formé (et né v'là dé ioù qu'lé mot fronmage veint, du Latîn: caseus formatius), salé et laîssi à fèrmenter.

Y'a des manniéthes dé fronmage tchi prannent lus goût et lus couleu du mouaîsi Penicillium roqueforti tchi craît sus, et dans, l'fronmage tandi qu'il est à meûthi.

Y'a des fronmages dueurs, coumme lé cheddar, l'parmésan, et l'edam, et des fronmages mos, coumme lé gorgonzola, l'pont-l'évêque, et l'brie.

Nou peut mangi l'fronmage dans des sannouiches ou sus des pizzas, dans des salades et des sauces. Y'a la gâche à fronmage, et des bourgailles à fronmage sont hardi populaithes coumme fricot à emporter.

En Nouormandie[amendaer | modifier le wikicode]

La Nouormandie est bein connue pouor ses fronmages, sustout l'camembèrt, mais les Îlemans ont aimé mus l'riche beurre et i' n'y'a pon d'grand' tradition d'fronmage dans l's Îles. Les caillibottes 'taient mangies au temps pâssé.