Lard

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais


Du lard

Du lard (audgo lard; Guernésiais plas, lard Normaund de la Graund'Terre pôr, cochounâle) est d'la viandebête à saie. Ch'est la viande la pus mangie du monde, ouaithe qu'la viande dé vaque et la volâle saient pus populaithe dans les pays du Vouêt, et la mang'gie d'lard n'est pon allouée ès Juis et Musulmans s'lon lus r'ligions.

Dans les touos vièrs temps, nou chassait les couochons sauvages, mais y'a dans les 7,000 ans nou-s'apprivouaîsit la bête à saie.

Aut'fais en Jèrri nou mangeait pustôt du lard au fou à Noué.

Des manniéthes dé lard[amendaer | modifier le wikicode]

  • eune paîne (Guernésiais pêne): ch'est un côté d'lard
  • du lard salé: nou soulait saler du lard dans un saleux ès fèrmes
  • du lard feunmé (ou du lard funtchi; Guernésiais lard, Serkyee lar)
  • un piot: ch'est l'pid, tch'est salé ou fait sèrvi dans les pais au fou
  • des saûciches
  • du craqu'lîn (Guernésiais craqu'lin): ch'est la tchuit au fou
  • du houard: ch'est la huthe bouoillie
  • des côtelettes dé lard
  • des steaks dé lard
  • du jambon
Commons-logo.svg

Y'a acouo d'tchi à vaie ou à ouï entouor
lé lard
siez la C'meune à Ouitchimédia