Saûciche

De Wikipedia
Ch't' articl'ye fut c'menchie en Jèrriais
Des saûciches crutes

Eune saûciche (audgo saûciche; Guernésiais : sauchisse, Serkyee : sosich Cotentinais : sâociche) est un fricot bouôrrelé dans un bouoyau. Dé couôteunme, ch'est du lard mînchi, auve des hèrbes, et ofûche des miettes dé pain. Mais nou peut faithe des saûchiches dé viande dé vaque, dé viande dé chèr, et tout chenna, et même des saûciches végétariennes.

Nou soulait faithe sèrvi l'bouoyau d'la bête à saie, mais au jour d'aniet y'a des bouoyaux artificiels qu'nou fait sèrvi.

Si l'bouoyau est bouôrrelé d'sang coutchi, nou dithait qu'ch'est pustôt un boudîn. Lé nièr boudîn est souvent eune partie d'la pliat'lée app'lée l'dêjeuner Angliais. Un boudîn Êcossais est traditionnel pouor la Séthée d'Burns.

Nou peut fricachi ou rôti les saûciches - nou peut les mett' dans eune êtchuîvée. Y'a des saûciches qu'nou bouort - par exempl'ye, les cheins auve tchi qu'nou fait eune manniéthe dé sannouiche dans eune ban'se, v'là tch'est un caud tchian tch'est typiquement Améthitchain.

Les saûciches tchi sont sècques et tchi n'ont pon à êt' coutchies sont des saûcichons. Nou peut les tranchi et les mett' sus des pizzas.