Liublianne

Ch't' articl'ye fut c'menchie en Jèrriais

Eune veue d'Liublianne et san châté

Liublianne ( Liublianne; en Slovénien: Ljubljana, tchi veurt dithe ofûche "l'aimée") est la capitale d'la Slovénie.

Histouaithe

S'lon la légende, la ville fut fondée par l'Argonaute Jason tchi navidgit amont la riviéthe Ljubljanica. Liublianne otchupe l'empliaichement d'eune ville Illyrienne tch'avait nom Emona et tchi fut colonnîsée par les Romains au 1é siècl'ye d'vant l'Christ. La ville fut dêtruite au 5^e siècl'ye et fut r'bâtie par les Slovéniens au 6^e siècl'ye. En 1282 les Habsbourgs prîntent la ville. Sans compter eune pause duthant les dgèrres dé Napoléon quand Liublianne 'tait la capitale du tèrritouaithe des Provînches Illyriennes, ou restit dans empithe des Habsbourgs jusqu'à la tchête d'l'Autriche-Hongrie en 1918 quand les Slaves du Sud lus rassemblyîtent dans un êtat tchi d'vînt la Yugoslavie.

Duthant les 17^e siècl'ye et 18^e siècl'ye Liublianne fut remplyie d'architectuthe Baroque. Un trembliément d'tèrre en 1895 avrônit des bâtisses, mais la ville fut r'bâtie.