Londres
Ch't' articl'ye fut c'menchie en Jèrriais
|
Londres Reyaume-Euni London
.svg){kind=small} | |||||
| |||||
| Grandes coses à saveir | |||||
| Pays : | Reyaume-Euni
| ||||
| Nation : |  Angleterre
| ||||
| Comté : | .svg){kind=small} Seine(préfecture) | ||||
| Géographie | |||||
| Longitude : | 02° 15' 38" à l'êt | ||||
| Latitude : | 48° 46' 52" oû nord | ||||
| Grandeur de terrain¹ : | 105,40 km² | ||||
| Population | |||||
| Nombre de manants² : | {{{manants}}} | ||||
| Densité de population² : | 20 934 pers./km² | ||||
| Autres coses à saveir | |||||
| Coste postal : | 75001 | ||||
1 Chûte grandeur ne compte bren les estuaires, les lacs et autres grandes pièches d'iau pus grandes d'1 km². 2 Ne coumpte pas les siens qui sont déjà comptés dans eune autre coumeune (étudiants, etc.).
| |||||
Londres (
Londres; Cotentinais : Loundes, Guernésiais : Laondre) est la capitale du Rouoyaume Unni et d'l'Angleterre. La ville se trouve sus les bords d'la Riviéthe dé Londres dans l'su'êt' d'l'Angliétèrre. Les gens d'Londres sont des Londronnais, ou des Londronnièrs.
C'est la pus grande ville dans l'Unnion Ûropéenne, auve eune populâtion dans les 7.5 millions d'gens.
Histouaithe
[amendaer | modifier le wikicode]Les Romains fondîtent eune capitale ichîn qu'il' app'lîtent Londinium. Auprès la tchête d'l'Empithe Romain, Londinium fut r'nonchi et Ouînchêtre d'vînt la capitale du Rouoyaume d'Angliétèrre jusqu'au 12e siècl'ye.
Un grand feu en 1666 brûlit la ville. Messire Christopher Wren entréprînt la r'bâtithie d'la ville. San monument est la cathédrale d'Saint Paul.
La ville modèrne est eune grande ville tchi contcheint deux cités: la Cité d'Londres et la Cité d'Westminster (lé monastéthe du Vouêt) épis lus villages du vaîthinné.
Adminnistrâtion
[amendaer | modifier le wikicode]La Cité d'Londres a ieu s'n adminnistrâtion d'pis au mains 1189 quand l'preunmié Lord Maire fut appouainté. Les Lord Maires ont 'té êlus d'pis 1215.
En 1855 eune louai griyit un Conmité Métropolitain d'Travaux (Metropolitan Board of Works) et organnîsit les vestiaithes des pâraisses à seule fîn d'gouvèrner Londres. Les membres du Conmité fûtent chouaîsis par les vestiaithes.
En 1889 la louai d'1888, tchi griyit des conmités pouor adminnistrer les comtés d'Angliétèrre et d'Galles, changit Londres en un comté à san tout seu et rempliaichit l'Conmité Métropolitain d'Travaux par un conmité d'comté (London County Council). Mais l'comté n'cont'nait pon toute la ville.
En 1900 les vestiaithes et d'aut's conmités locaux fûtent rempliaichis par 28 bouorgs.
En 1965 lé Comté d'Londres fut rempliaichi par lé Grand Londres quand des parties d'comtés à l'entou fûtent încorpouothées dans la ville. Les 28 bouorgs fûtent rempliaichis par 12 bouorgs à tchi qui fûtent ajouôtés les bouorgs d'alentou. Londres avait achteu 32 bouorgs (et la Cité d'Londres). Lé Grand Londres 'tait adminnistré par un Conmité (Greater London Council) .
En 1970 lé Conmité du Grand Londres prînt chèrge du Transport d'Londres jusqu'en 1984.
En 1986 lé Conmité du Grand Londres fut aboli, et les bouorgs prîntent acouo du pouvé. Un référendum des êlecteurs dé Londres en 1998 approuvit la criâtion d'un poste dé maire, auve eune assembliée (25 membres) pouor lé seurvilyi. La nouvelle autorité prînt pouvé en 2000 et prînt chèrge dé Transport d'Londres et d'aut's sèrvices - mais ch'est pustôt faillie par rapport ès conmités du temps pâssé.
Londres a achteu deux maires: lé maire dé Londres (êlu par l's êlecteurs du Grand Londres pouor 4 ans) et l'Lord Maire dé Londres (êlu par la corpouothâtion d'la Cité pouor eune année - châque Lord Maire sèrt raîque qu'un an).
Tchultuthe
[amendaer | modifier le wikicode]Londres a un tas d'thiâtres, sustout dans l'But du Vouêt pis y'a l'Centre Barbican dans la Cité et l'Thiâtre Nâtionna sus l'Bord du Sud. Lé thiâtre Globe dé Shakespeare a 'té r'bàti et nou-s'y présente des pièches à la vielle manniéthe.
Londres s'en va atchilyi les Gammes Olŷmpiques en 2012.
Des pliaiches à Londres:
- la Pièche Trafalgar, auve la Colonne à Nelson
- lé Palais Buckingham
- la Tou d'Londres
- lé Bâtisse du Parlément
- l'Abbaye d'Westminster
- lé Musée Britannique
- la Tate Modern
