Norouague

De Wikipedia
Ch't' articl'ye fut c'menchie en Jèrriais
Kongeriket Norge
Kongeriket Noreg
La couleu
(en détail)
L'êtchusson
(pus grand)
Où'est qu'est la Norouague?
Langue officielle Norvégien (Bokmål / Nynorsk)
Davvisámegiella
Langue regionale Lullisámegiella, Ubmisámegiella, Bihtánsámegiella, Julevsámegiella, Kvensk, Tavringer, Romani
Capitale Oslo
Chef d'êtat Harald V
Preunmié Minnistre Jonas Gahr Støre (Ap) (2021–)
Population estimate 5 550 203[1](2024)
Area 385 207[2] km2
Monnaie couronne (NOK)
Zone dé l'heuthe UTC+1 (DST)
Antienne Ja, vi elsker dette landet
Fête nâtionnale 17 d'Mai
Întèrnet TLD .no
Code à phôner 47

Cotentinais : Nourvei

La Norouague est un pays en Ûrope.

Histouaithe[amendaer | modifier le wikicode]

1814 jusqu'en 1905, l'Rouai d'Suède 'tait en même temps l'Rouai d'Norouague, mais la Norouague avait san parlément, ses louais et s'n êcononmie et l'gouvèrnément Suédouais n'avait rein à faithe auve les Norvégiens. Mais la Norouague n'avait pon l'drouait s'lon la constitution d'aver d's ambassades s'pathées d'la Suède.

En mil neu chents chînq, lé Storting, lé parlément Norvégien, pâssit eune louai pouor êtablyi un sèrvice diplionmatique, v'là tchi fut bliotchi par l'Rouai Oscar. Lé sept dé Juîn, les Norvégiens dêcliathîtent qué l'Rouai Suédouais n'tait pus l'Rouai d'Norouague viyant qu'i' n'pouvait pus asseûther l'gouvèrnément du pays. Chutte décision fut confirmée par un référendum. Lé souôtchein pouor l'unnion avaient tchée d'pis qu'lé gouvèrnément Suédouais avaient întroduit des restrictions sus l'conmèrce entre les deux pays à seule fîn d'protégi l'èrvénu en Suède – auprès tchi y'avait mains d'avantage finnancyi pouor les Norvégiens dans l'unnion.

Les Norvégiens r'votîtent au mais d'Novembre pouor settler la tchestchion s'i' voulaient un nouvieau rouai ou eune républyique. Quâsiment huiptante pouor chent chouaîsîtent la monarchie – et même des républyitchains avaient voté pouor, car nou-s'espéthait êt' aîdgi par lé Rouoyaume Unni viyant qu'lé candidat au trône 'tait l'Prînce Carl dé Dannemar dé tchi la bouonnefemme 'tait la Prîncêsse Maud, fil'ye du Rouai Douard VII du Rouoyaume Unni.

La nouvelle fanmil'ye rouoyale arrivit en Norouague lé vîngt-chîn d'Novembre 1905 et deux jours pus tard l'Prînce Carl dévînt l'Rouai Haakon VII.

L's êlecteurs votîtent contre l'Unnion Ûropéenne en 1972 et 1994.

Viyiz étout[amendaer | modifier le wikicode]

Y a co' de quei à vei' ou à ouï' entou'
la Norouague
sus les Coumuns à Viquipédie

  1. Population, january 01 2024, Statistics Norway Accessdate=2024-02-27
  2. Arealstatistics for Norway 2020, Kartverket, mapping directory for Norway Accessdate=2020-03-10