Reyaume de Souessons

De Wikipedia
Aller à la navigation Aller à la recherche
Le Reyaume en 486.

Le Reyaume de Souessons, que nos appelle itout Reyaume de Syagres (Regnum Syagrii ou Regnum Suessonense en latin) pou' son ché'-lieu fiquié à Souessons, fut eun îlot territoria' gallo-romain de l'Empire Romain qui se trouvait dans le nord de la Gaule (France) qui seurvéquit à la tumbèye de l'Empire romain en Occhident. Le Reyaume de Syagres fut la derraine terre romaine à caeir en 486, dix ans amprés que Romules Augustules a 'té démis et six ans amprés que Jules Niés est mort.

L'évolution du Reyaume de Syagres coumenchit quand l'Empereu' Majourien (457-461) désignit Gilles coume Maît'e de la Miliche pou' les Gaules. Quand Majourien perdit s'n autorité et la vie, occhis pa' Richimer en 461, Gilles maintint sen pouvei' su' la majeu' partie de la Gaule Lyounaise (Gallia Lugdunense), et créit de facto eun État r'manant romain qui fut couneu coume Reyaume de Souessons pou' le ché'-lieu qu'i' chouésit. Dans le chaos yoù 'tait la Gaule à ch'te époque, Gilles reussit à mainteni' sen pouvei' su' ch'te terre fache ès Wisigoths oû surt et ès Francs oû nord-est. Ses r'lations d'ot l'Armourique sont peu couneues, 'magènes furent-elles amitieuses. Quand Gilles mourit en 464 ou 465, sen fieu Syagres prit le pouvei' et gouvernit le Reyaume tant qu'à la batâle de Souessons cont'e le rei franc Clovis Ier. Le Reyaume de Syagres devint adon' terre franque.