Rocque Bèr
Ch't' articl'ye fut c'menchie en Jèrriais
|
Rocque Bèr est un rotchi à Saint Cliément en Jèrri. Lé rotchi soulait s'trouver au bord d'la mé parmi les mielles, mais au jour d'aniet l'rotchi est entouothé par l'gardîn d'eune maîson partitchuliéthe.
Crianche[amendaer | modifier le wikicode]
S'lon la crianche, les chorchièrs soulaient lus assemblier à Rocque Bèr les Vendrédis au sé pouor lus sabbat. Y'a des légendes et histouaithes entouor l'rotchi, par exempl'ye qué les pêtcheurs soulaient offri l'treizième paîsson d'lus pêque ès chorchièrs en pâssant Rocque Bèr.
Rocque Bèr est mentionnée dans la littéthatuthe Jèrriaise, par exempl'ye Lé Roquit d'Rocqu'bert[1], lé Rigodon d'Chorchel'lie[2] d'Fraînque Le Maistre, et l'Sanctuaire du Poète[3] d'Jean Sullivan.
Viyiz étout[amendaer | modifier le wikicode]
Réféthences[amendaer | modifier le wikicode]
- ↑ Lé Roquit d'Rocqu'bert
- ↑ Rigodon d'Chorchel'lie
- ↑ Eune Collection Jèrriaise, Jersey, 2007 ISBN 0901897418