Vendrédi

De Wikipedia
Aller à : navigation, rechercher
Ch't' articl'ye fut c'menchie en Jèrriais Jèrriais


Vendrédi (Normaund de la Graund'Terre vendrédi ,Guernésiais venderdi, Serkyee vãdrëdi) est un jour d'la s'maine. Ch'est l'drein jour dé travas pouor les cheins tchi travâlent dans l's offices et l'drein jour d'vant l'weekend. Y'a d's offices tch'ont prîns la couôteunme s'lon tchi l's emplyiés lus habil'yent pus înformellement l'Vendrédi. Dans des mannifactuthes et sus des chantchièrs nou soulait r'chéver ses gages lé Vendrédi à la fîn du travas - lé Vendrédi au sé 'tait don eune séthée d'ji.

Les Musulmans gardent lé Vendrédi coumme la journé d'priéthe. Au couochant l'Vendrédi, ch'est lé c'menchement du sabbat Juis. Les Catholiques soulaient strictément r'nonchi la viande lé Vendrédi et mangi du paîsson, mais v'là tch'est eune couôteunme tch'est pustôt horte au jour d'aniet.

Lé nom du jour veint d'la déêsse Romaine Vênus.

En génétha, nou crait qu'lé Vendrédi n'est pon un jour chanceux - un Vendrédi l'treize est s'posé d'êt' partitchuliéthement malheutheux.

Vendrédi Saint, ou Vendrédi B'nêt, est l'jour d'la crucifixion du Christ, lé Vendrédi d'vant Pâques.

S'lon la crianche lé Vendrédi est l'jour des chorchièrs, ou l'jour du sabbat. Les chorchièrs 'taient mênommés les gens du Vendrédi.

Ditons[amendaer | modifier le wikicode]

  • nièr coumme lé Vendrédi
  • Tel Vendrédi, tel Dînmanche
  • La s'maine des trais Jeudis tchi n'a pon d'Vendrédis
Commons-logo.svg

Y'a acouo d'tchi à vaie ou à ouï entouor
Vendrédi
siez la C'meune à Ouitchimédia