Conseil Britannique-Irlandais

De Wikipedia
Ch't' articl'ye fut c'menchie en Jèrriais


Conseil Britannique-Irlandais (audgo Conseil Britannique-Irlandais; Guernésiais : Conseil Britannique-Irlàndais) est eune assembliée des gouvèrnémentsJèrri, Dgèrnésy, l'Île dé Man, la Républyique d'Irlande, du Rouoyaume Unni, et d'trais des pays du Rouoyaume Unni: l'Êcosse, Galles et l'Irlande du Nord.

Lé Conseil fut fondé par l'Accord dé Belfast en 1998.

Acanté eune haute rêunnion des chefs dé gouvèrnément deux fais par an, y'a des rêunnions rédguliéthes pouor les cheins en chèrge des tchestchions dé tchi qu'lé Conseil s'en d'mente:

Langues du pays, minnoritaithes et mains faites sèrvi[amendaer | modifier le wikicode]

L'adminnistrâtion présidente dé chutte tchestchion est Galles.

Lé tèrritouaithe du Conseil Britannique-Irlandais a eune riche héthitage lîndgistique et l'Conseil Britannique-Irlandais s'en d'mentit des langues du pays, minnoritaithes et mains faites sèrvi à la haute rêunnion en Jèrri en 2002. Les langues du pays, minnoritaithes et mains faites sèrvi 'taient la tchestchion du jour à la chîntchième haute rêunnion du Conseil Britannique-Irlandais tchi prînt pliaiche à Cardiff au mais d'Novembre 2003.

Les minnistres lus rêunnîtent à Galway au mais d'Octobre 2006 à seule fîn d'distchuter l'progrès sus ches trais tchestchions: la pâss'sie d'langues avaû les généthâtions, l'offre d'l'ensîngnage ès grandes pèrsonnes, et la TIC (technologie d'l'înformâtion et d'la c'meunicâtion) pouor les langues du pays, minnoritaithes et mains faites sèrvi.

La pâss'sie d'langues avaû les généthâtions est cont'nanchie pouor asseûther l'maintchein d'eune langue. Eune pratiqu'sie pouor les cheins tchi travâlent dans la pâss'sie d'langues avaû les généthâtions fut m'née au mais d'Octobre 2006.

Les dreines avanches dans la TIC aîguent l'usage des langues minnoritaithes et haûchissent lus prestige. Eune souos-dgaîngue d'expèrts a 'té êtablyie à seule fîn d'avanchi acouo l'travas entouor chu sujet.

Eune pratiqu'sie s'sa organnîsée au mais d'Novembre 2007 à seule fîn d'lanchi des mouoyens d'co-opéthâtion entré l's adminnistrâtions-membres dans l'ensîngnage des grandes pèrsonnes.

L'adminnistrâtion s'en va s'en d'menter d'nouvelles tchestchions dans l'progranme dé travas en allant: la pliann'nie et les tchestchions lîndgistiques et la r'chèrche; la législâtion; et les statistiques et les tchestchionn'nies entouor l'usage des langues.

Y a co' de quei à vei' ou à ouï' entou'
l'Conseil Britannique-Irlandais
sus les Coumuns à Viquipédie