Île dé Man

De Wikipedia
Sauter à la navigation Sauter à la recherche
Ch't' articl'ye est êcrite en Jèrriais Jèrriais


L'Île dé Man

L'Île dé Man est eune île dans la Mé Irlandaise entré l'Angliétèrre et l'Irlande.

L'île est chînquante-deux kilomètres (trente-trais milles) d'londgeu et vîngt-deux kilomètres (treize milles) dé laîze.

L'île entchiéthe est chîn chents septante-deux kilomètres cârrés (deux chents vîngt-sept milles cârrés).

Y'a des montangnes - la pus haute a nom Snaefell.

La capitale est la villeDouglas (en Manx: Doolish), et y'a d'aut's villes: Ramsey (Rhumsaa), Peel (Purt ny h'Inshey), Castletown (Balley Cashtal) et Port Erin (Purt Çhiarn). Mais la maintchi d'la populâtion d'meuthe à Douglas et dans l'vaîsinné.

Y'a dans les septante mille pèrsonnes tchi d'meuthent en l'Île dé Man.

Êconomie[amendaer | modifier le wikicode]

L's îndustries d'l'île sont:

  • l'tourisme - un tas d'touristes aiment bein v'nîn vaie les grèves et la natuthe - et châque année un tas d'gens veinnent èrgarder les grandes courses à motorbike tchi sont bein fanmeuses;
  • les finnances sont hardi înmportantes pouor l'êconomie d'l'Île dé Man étout;
  • l'agritchultuthe.

Politique[amendaer | modifier le wikicode]

Lé trépid est l'sŷmbole dé l'Île dé Man - nou l'trouve sus la couleu et sus l'êtchusson

Tynwald est l'parlément d'l'île tch'est l'pus vièr des parléments dans l'Commonwealth - il est dîvisé en deux chambres: lé Conseil Législatif et la Maîson des Cliés.

Lord dé Man est la Reine Lîzabé II du Rouoyaume Unni. Lé chef du gouvèrnément est l'Chef Minnistre.

Tchultuthe[amendaer | modifier le wikicode]

Les Manx pâlent l'Angliais, mais y'a tchiques gens tchi pâlent lé Manx étout et y'a des clâsses dé Manx dans l's êcoles et eune êcole dans tchi qu'l'ensîngnage est en Manx. Lé Manx est eune langue Celtique – ch'est d'la même fanmil'ye dé langues qu'l'Irlandais et l'Êcossais, et il est coumme lé Bréton, lé Gallouais et l'Cornouaillais étout.

Les cats dé l'Île dé Man sont fanmeurs - i' n'ont pon d'coue.