Îles d'la Manche
Ch't' articl'ye fut c'menchie en Jèrriais
|
L's Îles d'la Manche (
Îles d'la Manche) sont d's îles dans lé Ch'na.
Politiquement, y'a deux bailliages - lé chein d'Jèrri et l'chein d'Dgèrnésy. D'pis 1204, l's Îles ont 'té s'pathées politiquement du restant du Duché d'Nouormandie, mais s'lon ieux la Reine Lîzabé II du Rouoyaume Unni est acouo Duc dé Nouormandie.
Châque bailliage a san parlément, et Sèr et Aur'gny ont lus parléments étout pouor graie lus louais et lus gouvèrner s'lon san chouaix.
L's îles
[amendaer | modifier le wikicode]
|
|
|
| |
| Jèrri | Jerri | Jerri | Djeri | |
| Dgèrnésy | Guernési | Gùernesey | Gyernëzi | |
| Sèr | Saerq | Ser | Ser | |
| Aur'gny | Aurni | Âorgny | Aoeur'gny | Orenyi |
| Hèrme | Haerme | Ĥerme | Erp | |
| Brecqho | Brèqueĥou | Breku | ||
| Jétho | Jethao | Jétĥou | ||
| Liho | Lihao | Liĥou | ||
| Burho | Burĥou | |||
| Les Castchets | Les Casqùets | |||
| L's Êcrého | L's Écréĥou | |||
| Les Mîntchièrs | Les Minqùiers | |||
| Les Pièrres dé Lé | Les Pyirres dé Lé |
Les vièrs noms d's Îles
[amendaer | modifier le wikicode]S'lon la couôteunme, Jèrri a nom en Latîn Caesarea, et Dgèrnésy a nom Sarnia. Ches noms veinnent d'vièrs dotchuments, mais ch'n'est pon cliai qu'les bouôns noms en Latîn ont 'té applyitchis ès Îles. Ch'fut William Camden dans sa Britannia d'1586 tch'identifyit Sarnia coumme Dgèrnésy. Nou criyait étout qué si Caesarea veurt dithe l'île à César ou dév'thait êt' lé nom d'la pus grande île - Jèrri. Mais l's expèrts n'sont pon d'un même avis entouor chutte tchestchion-chîn. Dans un dotchument du 4e siècl'ye tch'a nom l' Itinnéthaithe d'Antonîn y'a eune liste d'îles à l'entou des côtes du Ch'na tchi contcheint sans doute les noms d's Îles d'la Manche. L'întèrprétâtion est difféthente s'lon lé bord dé ioù'qu nou viage par les côtes et tch'est qu'i' sont les mèrs dêcrits.
Né v'chîn des tabl'yes à explyitchi les dreines théories:
Kellet-Smith (1962)
[amendaer | modifier le wikicode]- S.K. Kellett-Smith, The Old names of the Channel Islands, preceded by an account of the manuscript sources and editions of the Antonine Itinerary and Itinerarium Maritimum, Transactions of La Société Guernesiaise, Vol. 17, 1962
| Noms Romains | Noms Latîns du Mouoyen Âge | Noms d'achteu |
| Riduna | Adreni | Aoeur'gny |
| Sarmia | Sargia | Ser |
| Caesarea | Les Mîntchièrs | |
| Barsa | Haerme | |
| Vesargia | Breku | |
| Lisia | Lesia | Guernési |
| Andium | Angia | Jèrri |
| Sicdelis | Châosé |
Coates (1991)
[amendaer | modifier le wikicode]- Richard Coates, The Ancient and Modern names of the Channel Islands, 1991, ISBN 18716115151
| Noms Romains | Noms d'achteu |
| Riduna | Aoeur'gny |
| Sarmia | Haerme |
| Cesarea | Ser |
| Barsa | Jethao |
| Lisia | Guernési |
| Andium | Jèrri |
Lepelley (1999)
[amendaer | modifier le wikicode]- René Lepelley, Noms de lieux de Normandie et des îles Anglo-Normandes, 1999, ISBN 2-86253-247-9
| Noms Romains | Noms Latîns du Mouoyen Âge | Noms d'achteu |
| Sarmia | Aoeur'gny | |
| *Caesea (Caesarea) | Guernési | |
| Barsa | Jethao | |
| Bissargia | Burhou | |
| Silia | Ser | |
| Andium | Jèrri | |
| Riduna | Tatiĥou |
S'lon la théorie à Lepelley Caesarea s'sait eune mêprînse d'êcrithie pouor un nom Caesea tchi sîngnifiéthait la vèrte, et si Guernési veurt dithe la vèrte île v'là tch'est logique s'lon l'Professeu Lepelley.
Dans san Roman de Rou, Wace êcrit Auremen pouor Aur'gny, Guernerui pouor Dgèrnésy, Erin pouor Hèrme, Gernesi, Gersui et Gesui pouor Jèrri, et Serc pour Sèr.
Réféthences
[amendaer | modifier le wikicode]- S.K. Kellett-Smith, The Old names of the Channel Islands, preceded by an account of the manuscript sources and editions of the Antonine Itinerary and Itinerarium Maritimum, Transactions of La Société Guernesiaise, Vol. 17, 1962
- Richard Coates, The Ancient and Modern names of the Channel Islands, 1991, ISBN 18716115151
- René Lepelley, Noms de lieux de Normandie et des îles Anglo-Normandes, 1999, ISBN 2-86253-247-9
