La Corbiéthe
Ch't' articl'ye fut c'menchie en Jèrriais
|
La Corbiéthe (
La Corbiéthe) est eune pliaiche dans la Vîngtaine d'La Mouaie, Saint Brélade, en Jèrri. Lé nom veint des corbîns tchi soulaient jutchi là.
D'pis l'Mouoyen Âge y'a des r'cits d'navithes naûfragis sus les rotchièrs d'La Corbiéthe. Eune veue fut bâtie par l's Êtats d'Jèrri sus un rotchi à un d'mié-kilomètre des falaises - ch'tait la preunmié veue bâtie en chînment dans l's Îles Britanniques.
L's Allemands fortifyîdrent La Corbiéthe duthant l'Otchupâtion. La tou Allemande fut faite sèrvi auprès la dgèrre pouor la c'meunnicâtion mathinne.
Lé c'mîn d'fé d'Saint Hélyi à Saint Aubîn fut allouongni jusqu'à La Corbiéthe - lé preunmié sèrvice fut l'5 d'Août 1885. Lé c'mîn d'fé freunmit en 1935 et en 1937 l's Êtats acatîdrent lé c'mîn à seule fîn d'graie eune sente.
Endrait la vielle stâtion d'La Corbiéthe y'a la Tabl'ye des Marthes, eune longue pièrre en forme dé tabl'ye. S'lon la crianche nou soulait accorder des contrats sus chutte tabl'ye préhistorique.
La veue d'La Corbiéthe est r'présentée sus la bille dé 5 louis et la pièche dé 20 pénîns d'Jèrri.
Ditons[amendaer | modifier le wikicode]
- j'avons pâssé La Corbiéthe
- il a pâssé hardi dg'ieau l'tou d'La Corbiéthe
Gal'lie[amendaer | modifier le wikicode]
-
La Corbiéthe est au sud d'la Baie d'Saint Ouën -
-
Monument au baté Saint-Malo naûfragi en 1995
