Vièr Marchi

De Wikipedia
Sauter à la navigation Sauter à la recherche
Ch't' articl'ye est êcrite en Jèrriais Jèrriais
L'Vièr Marchi

Vièr Marchi (en Angliais: Royal Square; en Français: Place du Marché ou Place Royale) est eune pièche à Saint Hélyi. Ch'est l'centre historique dé Jèrri - toutes les distances sont m'suthées d'la Pyramide.

L'Vièr Marchi s'trouve au pid du Mont d'la Ville, bordant par l'Sud la Cohue, par l'Vouêt la Rue Trousse Côtillon, par l'Nord la Rue des Vîngnes et par l'Êst les bâtisses d'la Crouaix Morier.

Histouaithe[amendaer | modifier le wikicode]

marchi dêv'loppit sus les mielles au bord d'la mé driéthe l'églyise dé Saint Hélyi. Aut'fais la pièche 'tait pus ouvèrte, la grandeu d'la pièche d'achteu est bein r'tréchie - sans doute lé marchi s'êtrueûlait jusqu'éyou qu'lé Coin ès Ânes est au jour d'aniet et la Grand' Rue éthait 'té eune continnuâtion du marchi.

La crouaix du marchi fut pitchie bas à la R'formâtion.

La pièche èrchut l'nom Rouoyale quand la statue du Rouai George II fut pliaichie en 1751.

L'marchi fut r'mué au 19e siècl'ye.

La Cohue[amendaer | modifier le wikicode]

La Cohue

La preunmié mention d'la Cohue est en 1309 quand l'bâtisse fut r'pathé. Lé bâtisse fut r'bâti la dreine fais en 1866. La Bibliothèque Publyique fut ajouôtée en 1886 (architectes: Ancell et Orange) et les mêmes architectes ajouôtîtent la Chambre d's Êtats en 1887. Quand l's offices des Êtats rempliaichîtent l'vièr Hôtel Calvados en 1931, lé bâtisse d's Êtats otchupit l'Sud du Vièr Marchi au pouorportant.

La Halle à Blié[amendaer | modifier le wikicode]

La Halle à Blié fut bâtie en 1671 sus l'Vouêt du Vièr Marchi. La Salle d'Assembliée à haut r'chut eune vîsite dé John Wesley en 1787. Les bas, dans tchi nou vait acouo les arches d'la vielle halle, ont 'té faits sèrvi d'pis d's années par l'Enr'gistreux pouor les neuches.